10.48.00
Unknown
Sigra kawedhar lan kababar
Kang kawedhar babagan samar
Lamun kababar, koyo-koyo ora tinemu ing panalar
Tirta satetes nyidem geni sakarang kobar
Tangise rakyat uwus sundul tumekaning langit
Nanging nayakaning praja malah podo kakehan anggit
Rebut kuasa numpuk banda ngeruk duwit
Nemahi kahanan negara dadi tambah remit lan wingit
Wusanane Hyang Wenang ngutus wadya bala langit
Nyirep kobar pokaling manusa kang wus kanjingan demit
Mbabar ngudari kahanan kang remit
Mbabar mbengkas babagan kang wingit
Kang dipun pandegani satria piningit
Satria piningit katitik pujangga
Caraka kang datan suwala
Mengku reh sangang kedaton patrap prasoja
Ngregem rusianing awang-awang lan pratala
Biso lungguh ing telenging lang-lang buwana
Kidung dari Sahabat: B. Kromodongso
0 Komentar:
Posting Komentar
Bagi komentar anda, monggo...